David Suárez: «El cantar «L’emigrante» ye’l que meyor representa al grupu»
Les Noticies 13/01/2011 DAMIÁN BARREIRO.
La Col.lá Propinde cumple diez años enriba los escenarios y van celebralo entamando una xira a lo llargo del 2011. La banda nació hai una década col propósitu de facer un folk que, ensin tar lloñe de les bases tradicionales de la música asturiana, avérase a les alternatives nueves dando como resultáu un soníu fresco, folixero y mui comprometío cola realidá social. Hasta’l momentu, el grupu tien tres discos publicaos: L.l –onde inclúin el cantar «L’emigrante», premiáu como meyor cantar n’asturianu del 2003–, Güeria y A teyavana.
El puntu de partida de les celebraciones del décimu aniversariu va ser un conciertu especial nel que’l grupu va repasar los temes más importantes de tola so carrera discográfica y que va contar con bien de collaboraciones y convidaos. El conciertu va facese’l sábadu 22 de xineru a les 22 hores na Sala Acapulco del Casinu d’Asturies en Xixón. Amás, La Col.lá va aprovechar la cita pa presentar el so videoclip nuevu, Llárimes. Falamos de too ello con David Suárez, componente del grupu.
¿Qué va significar pa La Col.lá Propinde’l conciertu del 22 de xineru?Vamos facer un repasu a los diez años del grupu con tola xente que quiera participar y que collaboró con nós a lo llargo d’esta década. Queríemos desvinculalo de L.lena y de los valles mineros y por eso escoyimos facelo en Xixón. Tovía nun puedo dicir el preciu de la entrada del conciertu; el grupu quier que polo menos sía lo más barata posible yá que nun pudimos consiguir que fora de baldre.
¿Yá saben quién va participar nel conciertu?
Tovía tamos trabayando nello. Queríemos contar con Ramón de Los Berrones, Esther Fonseca, Anabel Santiago, Héctor Braga..., amás d’otra xente colo que fomos collaborando.
No que son los temes que vamos tocar queríemos facer un repasu dende la primer maqueta, que se tituló Collacios ensin fronteres, pasando pelos tres discos Amás, vamos aprovechar pa presentar el segundu videoclip de la nuestra historia, que tuvimos grabando estos díes con Algamar Producciones y Señor Paraguas.
¿Qué va contar esi videoclip?
El videoclip de «Llárimes» va ciñise a la historia que se cuenta nel cantar. Pablo Quiroga propúnxonos un tema grabáu n’El Cabu Peñes, en Turón y L.lena. Tovía nun vi’l resultáu final pero’l videoclip ensin dulda va ser novedosu. Yá grabáremos ún enantes –«Llandellena»–, anque esti ye más seriu nel sentíu de que se ta faciendo con más medios. A mi recuérdame a un videu de The Cranberries y tien una temática un pocoñín señardosa, acordies cola lletra.
Esti material val pa promocionar el discu. Yá «Llandellena» foi un videu que se movió muncho y que llegó al públicu. Espero que con esti nuevu pase lo mesmo. Intentaremos movelu per Youtube y Internet porque a los medios de comunicación –menos a Radio Sele, a la que siempre-y taremos agradecíos– nun-yos interesa tolo que sía en llingua asturiana.
Siempre ye una esperiencia bona pa un grupu pequeñu como nós grabar un videoclip. Amás, tamos preparando temes nuevos y quiciabes nun futuru puedan incluíse nos cedés próximos del grupu.
¿Dende La Col.lá piénsase nun cedé recopilatoriu pa facer repasu a los diez años?
Non, hai que sacar más discos pa pensar nello. Nun ye’l momentu agora. Namás queremos celebrar la década de vida porque los dos últimos años foron dalgo duros pal grupu y porque mantenemos la mayoría de componentes colos que principiemos, motivu más qu’importante pa festexar.
¿Cómo se presenta’l 2011?
Tovía nun tenemos munches feches ciarraes. Tol mundu diz que va ser un añu malu pa la música. A ver cómo resulten les coses... Les crisis siempre afecten al mundu de la cultura: nós siempre dicimos que menos formigón y más cultura, pero nun nos faen casu.
¿Qué tal ta funcionando’l discu A teyavana?
Cola crisis, la baxada nes ventes ta notándose, pero nós nun somos un grupu que faiga un discu pa vender. Facémoslu porque nos presta. Hai la oportunidá de facelu y val de tarxeta de presentación pa dar conciertos. Con too, el grupu ta contentu coles actuaciones que dimos nel 2010, hai menos conciertos pero nun tenemos quexa porque mesmamente lleguemos a tocar fuera d’Asturies.
¿Depués d’una década hai dalgún cantar que yá sintáis como’l de La Col.lá?
Hai munchos, pero hai un tema del que siempre nos fala la xente y al que tamos mui agradecíos, que ye «L’emigrante». Esti tema fíxose con munchu sentimientu. Daquella yera cuando s’empezaba a falar de la xeneración Alsa y diez años depués ye igual de necesario tocalu porque les coses nun ameyoraron.
Con too, préstennos muncho tolos temes que fiximos a lo llargo de la década, porque representen la filosofía del grupu, lo que vivimos y lo que nun nos gusta de la sociedá actual. La nuestra formula ye esa: facer de la música una canal de reivindicación.
L’añu pasáu’l grupu participó na inaguración del Festival Intercélticu de Lorient. ¿Cómo valoren esti conciertu?
Pa La Col.lá tolos conciertos son importantes. Lorient tien la importancia que tien polo que significa salir fuera y tocar nun festival d’eses característiques. Nós quedemos ablucaos porque la nuestra propuesta prestó muncho en Bretaña. Pero tolos conciertos son igual d’importantes, da igual que sía nel chigre más perreru qu’en Lorient. Lo importante ye’l día a día, que’l grupu tea vivu y siguir tocando pal públicu con toles ganes. Por exemplu, si tuviéremos qu’escoyer un conciertu ente tolos que dimos destacaríemos el primeru, que foi na V Xuntanza Astur de Santu Adrianu.
¿Daquella pensabeis llegar a tar una década enriba del escenariu?
¡Qué va! Nun pensábemos nin en grabar un discu, así que cómo díbemos figuranos sacar tres o tocar en Lorient. Daquella, y tovía güei, namás yéremos un grupu d’amigos uníos pola gana de facer música.
¿Yá saben quién va participar nel conciertu?
Tovía tamos trabayando nello. Queríemos contar con Ramón de Los Berrones, Esther Fonseca, Anabel Santiago, Héctor Braga..., amás d’otra xente colo que fomos collaborando.
No que son los temes que vamos tocar queríemos facer un repasu dende la primer maqueta, que se tituló Collacios ensin fronteres, pasando pelos tres discos Amás, vamos aprovechar pa presentar el segundu videoclip de la nuestra historia, que tuvimos grabando estos díes con Algamar Producciones y Señor Paraguas.
¿Qué va contar esi videoclip?
El videoclip de «Llárimes» va ciñise a la historia que se cuenta nel cantar. Pablo Quiroga propúnxonos un tema grabáu n’El Cabu Peñes, en Turón y L.lena. Tovía nun vi’l resultáu final pero’l videoclip ensin dulda va ser novedosu. Yá grabáremos ún enantes –«Llandellena»–, anque esti ye más seriu nel sentíu de que se ta faciendo con más medios. A mi recuérdame a un videu de The Cranberries y tien una temática un pocoñín señardosa, acordies cola lletra.
Esti material val pa promocionar el discu. Yá «Llandellena» foi un videu que se movió muncho y que llegó al públicu. Espero que con esti nuevu pase lo mesmo. Intentaremos movelu per Youtube y Internet porque a los medios de comunicación –menos a Radio Sele, a la que siempre-y taremos agradecíos– nun-yos interesa tolo que sía en llingua asturiana.
Siempre ye una esperiencia bona pa un grupu pequeñu como nós grabar un videoclip. Amás, tamos preparando temes nuevos y quiciabes nun futuru puedan incluíse nos cedés próximos del grupu.
¿Dende La Col.lá piénsase nun cedé recopilatoriu pa facer repasu a los diez años?
Non, hai que sacar más discos pa pensar nello. Nun ye’l momentu agora. Namás queremos celebrar la década de vida porque los dos últimos años foron dalgo duros pal grupu y porque mantenemos la mayoría de componentes colos que principiemos, motivu más qu’importante pa festexar.
¿Cómo se presenta’l 2011?
Tovía nun tenemos munches feches ciarraes. Tol mundu diz que va ser un añu malu pa la música. A ver cómo resulten les coses... Les crisis siempre afecten al mundu de la cultura: nós siempre dicimos que menos formigón y más cultura, pero nun nos faen casu.
¿Qué tal ta funcionando’l discu A teyavana?
Cola crisis, la baxada nes ventes ta notándose, pero nós nun somos un grupu que faiga un discu pa vender. Facémoslu porque nos presta. Hai la oportunidá de facelu y val de tarxeta de presentación pa dar conciertos. Con too, el grupu ta contentu coles actuaciones que dimos nel 2010, hai menos conciertos pero nun tenemos quexa porque mesmamente lleguemos a tocar fuera d’Asturies.
¿Depués d’una década hai dalgún cantar que yá sintáis como’l de La Col.lá?
Hai munchos, pero hai un tema del que siempre nos fala la xente y al que tamos mui agradecíos, que ye «L’emigrante». Esti tema fíxose con munchu sentimientu. Daquella yera cuando s’empezaba a falar de la xeneración Alsa y diez años depués ye igual de necesario tocalu porque les coses nun ameyoraron.
Con too, préstennos muncho tolos temes que fiximos a lo llargo de la década, porque representen la filosofía del grupu, lo que vivimos y lo que nun nos gusta de la sociedá actual. La nuestra formula ye esa: facer de la música una canal de reivindicación.
L’añu pasáu’l grupu participó na inaguración del Festival Intercélticu de Lorient. ¿Cómo valoren esti conciertu?
Pa La Col.lá tolos conciertos son importantes. Lorient tien la importancia que tien polo que significa salir fuera y tocar nun festival d’eses característiques. Nós quedemos ablucaos porque la nuestra propuesta prestó muncho en Bretaña. Pero tolos conciertos son igual d’importantes, da igual que sía nel chigre más perreru qu’en Lorient. Lo importante ye’l día a día, que’l grupu tea vivu y siguir tocando pal públicu con toles ganes. Por exemplu, si tuviéremos qu’escoyer un conciertu ente tolos que dimos destacaríemos el primeru, que foi na V Xuntanza Astur de Santu Adrianu.
¿Daquella pensabeis llegar a tar una década enriba del escenariu?
¡Qué va! Nun pensábemos nin en grabar un discu, así que cómo díbemos figuranos sacar tres o tocar en Lorient. Daquella, y tovía güei, namás yéremos un grupu d’amigos uníos pola gana de facer música.