Fnast.es-Xicu Ariza
El grupu de folk fusión La Col.la Propinde celebra’l sábadu 22 de xineru’l so décimu cumpleaños. Pa festexalo, va entamar un conciertu especial nel qu’amás presentarán el videoclip de “Llárimes”, cantar del so últimu discu.
El videoclip “Llárimes”, ta ambientáu en paraxes de la mariña asturiana, concretamente n'El Cabu Peñes, y en La Pola Llena, localidá d’onde vienen los componentes d’esta banda.
La dirección y producción cuerren al cargu de Pablo A. Quiroga Prendes (Algamar Producciones) y de Juán Tizón y Sofia F. Castañón (Sr. Paraguas). El rodaxe va terminar enantes d'acabar esta mesma selmana pa ponese darréu col procesu de postproducción. L’oxetivu ye presentar el videoclip nel conciertu de décimu aniversariu que'l grupu tien programáu pal sábadu 22 de xineru.
Décimu aniversariu
La Col.lá Propinde cumple 10 años enriba de los escenarios y va celebralo con una xira especial a lo llargo de too 2011, pero'l puntu de partida va ser esti Conciertu Especial 10 aniversariu que se va celebrar na Sala Acapulco de Xixón el 22 de xineru a les 22 hores.
Nél, el grupu va repasar les temes más importantes de tola so carrera discográfica y va cuntar con numberoses collaboraciones y convidaos.
El grupu de folk fusión La Col.la Propinde celebra’l sábadu 22 de xineru’l so décimu cumpleaños. Pa festexalo, va entamar un conciertu especial nel qu’amás presentarán el videoclip de “Llárimes”, cantar del so últimu discu.
El videoclip “Llárimes”, ta ambientáu en paraxes de la mariña asturiana, concretamente n'El Cabu Peñes, y en La Pola Llena, localidá d’onde vienen los componentes d’esta banda.
La dirección y producción cuerren al cargu de Pablo A. Quiroga Prendes (Algamar Producciones) y de Juán Tizón y Sofia F. Castañón (Sr. Paraguas). El rodaxe va terminar enantes d'acabar esta mesma selmana pa ponese darréu col procesu de postproducción. L’oxetivu ye presentar el videoclip nel conciertu de décimu aniversariu que'l grupu tien programáu pal sábadu 22 de xineru.
Décimu aniversariu
La Col.lá Propinde cumple 10 años enriba de los escenarios y va celebralo con una xira especial a lo llargo de too 2011, pero'l puntu de partida va ser esti Conciertu Especial 10 aniversariu que se va celebrar na Sala Acapulco de Xixón el 22 de xineru a les 22 hores.
Nél, el grupu va repasar les temes más importantes de tola so carrera discográfica y va cuntar con numberoses collaboraciones y convidaos.