La banda l.leniza de folk-rock La Col.lá Propinde va actuar el xueves 26 d’agostu, a les 21:30 hores, na sidrería Tierra Astur de Cualloto, onde van aprovechar pa presentar el so últimu trabayu discográficu, tituláu xenéricamente A teyavana.
L’álbum (editáu por Algamar Producciones) inclúi doce pieces onde la composición propia entemezse cola reellaboración tradicional; grabóse nos estudios Tutu (Los Campos, Corvera) ente mayu y setiembre del 2009, cola producción de Sergio Rodríguez y Ánxel González. La llinia que sigue’l discu ye l’avezada nesta formación: folk-rock allegre y contundente. La novedá vien de la mano de la voz, porque cásique toles pieces son, nesta ocasión, cantaes, con títulos como «Frexulfe», «Ska-nciu», «La escopeta al l.lumbu» o «La Fuxaca». Precisamente una de les sos señes d’identidá ye l’usu de la variedá de la llingua asturiana falada nel conceyu de L.lena.
L’álbum (editáu por Algamar Producciones) inclúi doce pieces onde la composición propia entemezse cola reellaboración tradicional; grabóse nos estudios Tutu (Los Campos, Corvera) ente mayu y setiembre del 2009, cola producción de Sergio Rodríguez y Ánxel González. La llinia que sigue’l discu ye l’avezada nesta formación: folk-rock allegre y contundente. La novedá vien de la mano de la voz, porque cásique toles pieces son, nesta ocasión, cantaes, con títulos como «Frexulfe», «Ska-nciu», «La escopeta al l.lumbu» o «La Fuxaca». Precisamente una de les sos señes d’identidá ye l’usu de la variedá de la llingua asturiana falada nel conceyu de L.lena.
La Col.lá Propinde fundóse a principios del añu 2000 en La Pola (L.lena) col propósitu de facer un folk que, ensin apartase de les bases de la música tradicional asturiana, s’averara a sonoridaes más rockeres. Tienen grabaos hasta’l momentu tres trabayos discográficos, de títulos L.l, Güeria y A teyavana.