El grupu asturianu de folk-fusión LA COL.LÁ PROPINDE, representará esta fin de selmana a Asturies nel 40 Festival Intercélticu de Lorient, nel añu de la Bretaña. El grupu dará a conocer ante’l públicu bretón y tolos visitantes que tien esti, el más importante festival de música celta del mundo, el so tercer trabayu discográficu, “A Teyavana”.
Tres van ser les oportunidaes que van tenése pa poder sintir les músiques y cantares del grupu de La Pola L.lena, la primera d’elles el mesmu Vienres 6 d’agostu, de magar les 22h na inauguración del Festival, nel recinto de la “Quait de la Bretagne” , xunto con los grupos bretones Hitks y Pascal Lamour. LA COL.LÁ PROPINDE presentará los temes d’esti “A teyavana” qu’acaba de salir al mercáu col sellu “Algamar Producciones”.
“A teyavana” ye un discu con 12 cantares onde se combinen los temes de reelaboración tradicional y los de composición propia del grupu. Amás, nesta ocasión, cunta cola collaboración d’Esther Fonseca, que pon voz al cantar “2417”. “A teyavana” foi grabada nos estudios TUTU ente mayu y setiembre, cola producción de Sergio Rodríguez y Ánxel González.
Ente la biografía de La Col.lá Propinde, destaca el premiu al meyor cantar n’asturianu’l añu 2003 por “l’emigrante”. A lo llargo del añu 2009 fueron banda sonora de la serie d’Antena3 “Doctor Mateo”.